Pois la fuoilla revirola

lovers

Pois la fuoilla revirola
Que vei d’entre·ls cims cazer,
Que·l vens deromp e degola,
Que no·is pot mais sostener,
Mais pretz lo freich temporau
Que l’estiu plen de gandill
Don nais puti’ et enveia.

Lo pics e la rossignola
Tornon lor chant en tazer,
Si·s fa·l gais e l’auriola,
Don l’inverns fai son plazer!
E l’orgoills torn’ en canau
Per garssos plens de grondill,
Qu’en estiu contradenteia.

Graissans ni serps que s’amola
No·m fant espaven ni mau,
Mosca ni tavans que vola,
Escaravait ni bertau,
Aquist malvatz volatill
Non sent bruir ni oler,
Don francs inverns nos neteia.

Ges l’afilatz bec d’aissola
Non pert son loc al fogau,
Anz porta pic e massola
Don son gran li dui mau.
Cest tol si donz al jazer
La dolor del penchinill,
Pel feminiu don se breia.

Cest trai del mieill la briola
Plen’ al maitin et al ser,
E sobre·l faire faissola,
Car pot la coa mover!
Cest fai la nuoich son jornau,
Don engenrra un bel fill,
Per que sobreseignoreia.

Cazen levan trobaiola
Va·l segles e no m’en chau.
Aissi cum la seguignola,
Poi’ amon e chai avau.

Text: Marcabru (fl. 1130-1150) via trobar.org (with English translation)
Image: School of Robinet Testard, Le Roman de la Rose, Ms. Douce 195, f. 118, Bodleian Library, Oxford.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: